فرقع الماكينة
مِ اللي أحنا زغار نحبو نفرقعو ها الماكينة
قهرتنا الماكينة
عذبتنا
نعسّو على تركينة نلقاوها خربت تركينة
نعسّو على أرواحنا نلقاونا مش أحنا
هبلتنا الماكينة
حرنا فيها
مشكلتنا ما نعرفو من الماكينة كان وجهها
مشكلتنا أغلبنا ماشي في بالو مشكلتو مع وجه الماكينة
والماكينية ذكية
الماكينة خبيثة
وأحنا سيدي تاتا
نغصرو الماكينة تبدل وجهها
كالبهاليل نصفقو ونغنو ونفرحو
ماشي في بالنا تبديل الوجوه فيه راحة
الماكينة قاع لازمها تتفرقع
ما نعرفش كيفاش
أما لازمنا نبطلو ندورو بيها من البرّا
لازمنا ندخلو لقلبها
كان لزم نتفرقعو في وسطها باش نفرقعوها
Aucun commentaire:
Enregistrer un commentaire